اسلام آباد ۔ 27 جون (اے پی پی) وزیراعظم عمران خان دے وکیل ڈاکٹر بابر اعوان الیکشن کمیشن اچ انہاں دے خلاف انتخابی ضابطہ اخلاق دی شکایت تے شو کاز نوٹس دا جواب داخل کرا ڈتے ۔خمیس کوں ڈاکٹر بابر اعوان سیکرٹری الیکشن کمیشن آف پاکستان بابر یعقوب فتح محمد نال ملاقات کیتی تے حلقہ این اے 205 بے نظیرآباد دے مقامی الیکشن کمیشن ولوں وزیراعظم تے 19 جون کوں الیکشن کمیشن دے ضابطہ اخلاق دی خلاف ورزی دے الزام تے جاری کیتے گے شو کاز نوٹس دا جواب جمع کرایا ۔ پی ٹی آئی دے مرکزی میڈیا ڈیپارٹمنٹ توں جاری بیان دے مطابق وزیراعظم دے وکیل ڈاکٹر بابر اعوان آکھیا جو این اے 205 شہید بینظیر آباد دے ریجنل الیکشن کمشنر19 جون 2019 کوں وزیراعظم کوں اظہار وجوہ دا نوٹس بھجوایا، نوٹس اچ وزیراعظم توں انہاں دے دورہ گھوٹکی تے وضاحت منگی گئی ۔ انہاں آکھیا جو قانون تے کاربند رہنڑآلے ہک مہذب اتے اصولی رہنما وانگوں وزیراعظم ضابطہ اخلاق دی کہیں وی شق دی کوئی خلاف ورزی کائنی کیتی ۔ ڈاکٹر بابر اعوان آکھیا جو ریکارڈ تے ہے جو وزیراعظم دی کابینہ دے رکن علی محمد مہر ایں دنیا توں چلے گن وزیراعظم علی محمد مہر دے اہل خانہ نال تعزیت کیتے گھوٹکی گے ۔انہاں آکھیا تحریک انصاف قانون دے مکمل احترام تے یقین رکھیندی اے ، وزیراعظم گھوٹکی اچ قیام دے دوران کہیں وی سیاسی سرگرمی اچ حسہ گھدے نہ ہی میڈیا نال گال کیتی اے ۔ ڈاکٹر بابر اعوان آکھیا جو انتخابی ضابطہ اخلاق دی شق 17 بی صدر، وزیراعظم، کابینہ دے ارکان پارلیمان دی ضمنی انتخاب دے دران انتخابی سرگرمیاں اچ شمولیت تے قدغن عائد کریندی اے ۔ انہاں آکھیا جو وزیراعظم پاکستان کہیں وی انتخابی سرگرمی اچ حصہ گھدے ،مذکورہ شق کہیں طور تے وی تعزیت توں کائنی روکیندی ، ڈاکٹر بابر اعوان آکھیے جو وزیراعظم دے خلاف یکسر بے بنیاد، جھوٹی اتے من گھڑت درخواست داخل کرتے سنسنی کھنڈاونڑ تے توجہ حاصؒ کرنڑ دی ناکام کوشش کیتی گئی اے ۔وزیراعظم دے خلاف کوڑا تے بے بنیاد الزام داخل کرنڑ تے مذکورہ بندے دے خلاف قانونی چارہ جوئی دا پورا اختیار رکھیندن ۔انہاں آکھیا الیکشن کمیشن 19 جون دا نوٹس واپس گھنے تے درخواست گزار دی درخواست تے بیان حلفی دی نقل ڈیوے ۔
وزیراعظم عمران خان دے وکیل ڈاکٹر بابر اعوان دی سیکرٹری الیکشن کمیشن بابر یعقوب فتح محمد نال ملاقات، وزیراعظم تے19 جون کوں الیکشن کمیشن دے ضابطہ اخلاق دی خلاف ورزی دے الزام تے شوکاز نوٹس دا جواب جمع کرایا
مضمون کا ماخذ : خلائی جنگیں
متعلقہ مضامین
