اسلام آباد ۔ 27 جون (اے پی پی) افغان صدر اشرف غنی دے اعزاز اچ ایوان وزیراعظم اچ خمیس کوں باضابطہ استقبالیہ تقریب منعقد تھئی جیرھی جو پاکستان دے ڈو ڈینھ دے سرکاری دورے تے وفاقی دارالحکومت پجے ہن۔وزیر اعظم عمران خان ایوان وزیراعظم دے مرکزی دروازے تے افغان صدر دا پرتپاک خیرمقدم کیتا۔ باضابطہ تقریب دے آغاز تے ڈوہیں ملکاں دے قومی ترانے وجائے گن ۔مسلح فوج دے چاق و چوبند دستیں افغان صدر کوں سلامی پیش کیتی۔ افغان صدر گارڈ آف آنر دا معائنہ کیتا۔ وزیراعظم اپنڑی کابینہ دے ارکان دا افغان صدر نال تعارف کرایا جڈاں جو افغان صدر اپنڑے وفد دے ارکان کوں وزیرا عظم نال متعارف کرایا ۔بعد اچ ڈوہیں رہنماواں وچال ون ٹو ون ملاقات تھئی ۔
مضمون کا ماخذ : قدیم مصری کلاسک
