اسلام آباد ۔ 10 نومبر (اے پی پی)وزیراعظم عمران خان آکھیے جو مدینہ دی ریاست تہوں چاہندے ہیں جو ساڈی نوجوان نسل اپنڑی تریخ سمجھے جو حضور سکھنڑ دا حکم ڈتا ہا، ساڈے تعلیمی اداریاں اچ اسلام دی تاریخ نئیں ڈسائی ویندی تہوں نینگر اپنڑے عظیم رول ماڈلز کوں نئیں سمجھ سگدے،جیکر اساں عظیم بنڑنے تاں نبی دا جیونڑ کوں اپنڑا رول ماڈل بنڑاونڑا ہوسی نتاں بہوں مسائل ودھسن،ساکوں اسلامی اطوار دی ترقی اتے تنزلی بارے جانڑنا ہوسی،حضور نبی کریم مدینہ دی ریاست دی بنیاد میرٹ اتے کردار تے رکھی ہئی ، ایہا وجہ اے جو ہک عام آدمی وی عظیم بنڑیے،ساڈے نبی کریم ہک عظیم رہنما ہین انہاں دا ناں ہمیشہ اگونہا اتے اچا راہسی،ریاست مدینہ دا تصور صرف انسانیت اے۔اے گالھ وزیراعظم عمران خان ” ریاست مدینہ اتے اسلام دا تصور، تعلیمات نبوی دا سوجھلا“ دے موضوع تے انٹرنیشنل رحمت اللعالمین کانفرنس نال خطاب اچ آکھی۔انہاں آکھیے جو میں اپنڑے جیونڑ دے تجربے توں سکھیاں جو انسان دے جیونڑ اچ اوندا کوئی نہ کوئی رول ماڈل ہوونڑا چاہیدے،بھل مسلماناں دا رول ماڈل حضور نبی کریم دی ذات اتے ریاست مدینہ ہوونڑی چاہیدی اے،کہین بئے پیغمبر دا جیونڑ ایویں تاریخ دا حصہ نئین جیویں ساڈے نبی دا جیونڑ اے،ایندے تے یونیورسٹیاں اچ ریسرچ دی لوڑھ اے، ست سو سال جگ تے حکومت کرنڑدے بعدجڈاں اساں مدینہ دی ریاست توں ہٹیے ہیں تاں جگ اچ پچھو تے رہ گئے ہیں،میڈا مشن اے جو اسان اینجھا تعلیمی نظام بنڑاوں جو بال اے سکھین کہ مسلماناں کوں جگ اچ ترقی ڈیونڑ کیتے کینجھا کردار ہوونڑا چاہیدے۔ وزیراعظم آکھیے جو جزا اتے سزا دے نظام نال ہی معاشرہ ترقی کر سگدے،عوام دی بنیادی ضروریات پوری کرنڑاتے انصاف ڈیونڑ ریاست دی ذمہ داری اے،مدینہ دی ریاست، برابری، بھرا بھرپی، محبت، ترقی و خوشحالی اتے جدوجہددا ناں اے جیندے کیتے کوشش جاری رکھسوں۔وزیراعظم آکھیے جو میں ملک اتے عوام دا پیسہ لٹنڑ آلیاں کوں کیویں معاف کر ڈیواں؟رحم تاں کمزور ، غریب ، پسے ہوئے طبقات، معذوراں، یتیماں اتے بیوائیں کیتے ہوندے، ڈاکوواں تے کون رحم کریندے؟کمزور طبقات دی خوشحالی کیتے کم کریندے پئے ہیں،قوم عظیم بنڑن کیتے اپنڑے آپ کوں بدلے۔
مدینہ دی ریاست تہوں چاہندے ہیں جو ساڈی نوجوان نسل اپنڑی تریخ سمجھے جو حضور سکھنڑ دا حکم ڈتا ہا،وزیراعظم عمران خان دا انٹرنیشنل رحمت اللعالمین کانفرنس نال خطاب
مضمون کا ماخذ : وائکنگز گو برزرک
متعلقہ مضامین
