اسلام آباد ۔ 2 فروری (اے پی پی)چیئرمین نیب عمران خان ولوں خیبر پختونخوادا سرکاری ہیلی کاپٹرز استعمال کرنڑ دا نوٹس گھنندے ہوئیں وزیراعلیٰ خیبر بختونخوا دے اختیارات دے ناجائز استعمال دا وی نوٹس اتے ڈی جی نیب کوں انکوائری دا حکم ڈتے جو او معاملے تے رپورٹ پیش کرن۔پی ٹی آئی دے چیئرمین ایم آئی 17 ہیلی کاپٹرز 22 گھنٹے اتے ایکیوریل ہیلی کاپٹرز تے 52 گھنٹے استعمال کیتے۔ اوسطاً فی گھنٹہ 28 ہزار دے حساب نال 74 گھنٹے دا 21 لکھ 7 ہزار 181 روپے خرچ آئے۔ رپورٹ موجب جیکر عمران خان پرائیویٹ ہیلی کاپٹرز منگویندے تاں ایم آئی 17 ہیلی کاپٹرز دا فی گھنٹہ خرچ 10 توں 12 لکھ روپے جڈاں جو ایکیوریل ہیلی کاپٹرز دا فی گھنٹہ خرچ 5 توں 6 لکھ روپے ڈیونڑا پوندا۔ وزیراعلیٰ خیبر پختونخوا دے پرنسپل ایڈوائزر برائے ٹیکنیکل ٹریننگ اینڈ ایوی ایشن موجب سرکاری ہیلی کاپٹرزتے فی گھنٹہ ڈیڈھ توں 2 لکھ روپے خرچ آندے، تقریباََ ڈیڈھ لکھ روپے فی گھنٹہ دے حسان نال عمران خان دے 74 گھنٹے سرکاری ہیلی کاپٹرزدا خرچہ ہک کروڑ 11 لکھ بنڑدے بھل دستاویزات اچ 21 لکھ 7 ہزار 181 روپے ظاہر کیتا گئے۔عمران خان ایم آئی ہیلی کاپٹر تے بنی گالا توں کوہاٹ، پشاور،مردان، بٹگرام، دیر اتے کمراٹ دے غیر سرکاری دورے کیتے۔ او ایکیوریل ہیلی کاپٹر تے بنی گالا توں پشاور، کوہاٹ، ایبٹ آباد، ہری پور، چترال، سوات اتے نوشہرہ گن۔ چئیرمین نیب ڈی جی نیب کے پی کوں انکوئری دی ہدایت کریندے ہوئیں رپورٹ منگ گھدی اے جو کیا پرویز خٹک سرکاری ہیلی کاپٹرزکہیں گیر سرکاری استعمال کیتے ڈے سگدن؟عمران خان کوں اے ہیلی کاپٹر کیہڑی حیثیت نال ڈتے گن؟
چیئرمین نیب دا عمران خان ولوں خیبر پختونخوا دا سرکاری ہیلی کاپٹرز استعمال کرنڑ دا نوٹس
مضمون کا ماخذ : مصری ڈریمز ڈیلکس
متعلقہ مضامین
