اسلام آباد۔ 21جون (اے پی پی) وزیراعظم دے معاون خصوصی قومی صحت ڈاکٹر ظفر مرزاآکھیے جو کووڈ۔19 دے مریضاں کیتے دویاں دی فراہمی سانگے اقدامات کیتے ویندے پین،ڈریپ ولوں کورونا وائرس دے تشویشناک مریضاں کیتے ایمرجنسی سانگے ریمڈیسویئر دے استعمال دی اجازت ملنڑ توں بعد ایں دوائی دی دستیابی یقینی بنڑیندے پئے ہیں جیندے کیتے دوا دی امپورٹ اتے رجسٹریشن کیتے لیٹرز جاری کرڈتن۔دوا دی امپورٹ کیتے ڈریپ 2 امپوٹرز اتے 14 لوکل مینوفیکچررز کوں اجازت نامہ ڈتے۔انہاں آکھیے جو اے دوا صرف ڈاکٹر دی ہدایت دے مطابق ہی صرف تشویشناک حالت آلے کورونا وائرس دے مریضوں کوں ڈتی ونج سگدی اے،ایں سانگے دوا دی قیمت تجویز کرنڑ کیتے ڈرگ پرائسنگ کمیٹی دا اجلاس وی سڈایا گئے ،رجسٹریشن لیٹرز دی شرائط دے تحت انجکشن اوپن مارکیٹ دی بجائے مخصوص ہسپتالاں اتے اداریاں کولو ہی موجود ہوسی۔انہاں چتائے جو دوا دے کہیں وی قسم دے منفی اثرات بارے ڈریپ کوں فوری اطلاع کیتی ونجے۔
کورونا وائرس دے تشویشناک مریضاں کیتے ایمرجنسی سانگے ریمڈیسویئر دی دستیابی یقینی بنڑینداے پئے ہیں،معاون خصوصی قومی صحت ڈاکٹر ظفر مرزا
مضمون کا ماخذ : اسرار ریلز
متعلقہ مضامین
