لاہور۔10فروری (اے پی پی):وفاقی وزیر ریلویز محمد اعظم خان سواتی دی خصوصی ہدایت تے پاکستان ریلویز عوام دی سہولت کیتے کال سنٹر متعارف کروا ݙتے جیڑھا جو روزانہ دی بنیاد تے چووی گھنٹے سروس ݙیسی۔ ترجمان ریلویز موجب عوام دی سہولت کیتے کال سنٹر نمبر99070011 042- تے نا صرف ریزرویشن اتے بکنگ دے مسئلیں دے وختی حل کیتے کال کیتی ونڄ سڳدی اے بلکہ کوالٹی دے معیار کوں برقرار رکھݨ کیتے کالز دا ریکارڈ وی محفوظ رکھیا ونڄے ۔ 31جنوری توں گھن تے 10فروری تئیں تقریبا 9 ہزاردے نیڑے مسافراں دیاں شکایتاں سݨیاں ڳئن اتے انھاں دا وختی ازالہ کیتا ڳیا۔ گزریل ݙینھ چیف ایگزیکٹو آفیسر ریلویز نثار احمد میمن آئی ٹی ڈائریکٹوریٹ اچ قائم کال سنٹر دا دورہ کیتے تے مسافراں دی شکایت متعلق کال ریکارڈ ݙیکھݨ دے بعد اطمینان دا اظہار کیتے۔ ایں موقع تے مشیروزیر ریلویزدستگیر بلوچ اتے ڈائریکٹر آئی ٹی محمد فاروق اقبال ملک وی انہاں دے رلے ہن۔
