اسلام آباد ۔ 5 مارچ (اے پی پی) وفاقی وزیر اقتصادی امور حماد اظہر آکھیے جوپاک۔چین اقتصادی راہداری منصوبہ نویں مرحلے اچ داخل تھئے تے ضرورت ایں امر دی اے جو نیو گوادر انٹرنیشنل ائیرپورٹ ،، گوادر ووکیشنل ٹریننگ سینٹر اتے گوادر ہسپتال جیہوجے گرانٹ دی بنیاد تے مجوزہ منصوبیں کوں پورا کرنڑ دا کم تکھا کیتا ونجے ۔اے گال انہاں پاکستان اچ چین دے سفیر یاﺅ جنگ اتے چین دے کمرشل تے اقتصادی قونصلر ژو سانگ سنگ نال ملاقات کریندے ہوئیں آکھی اے ۔ چینی سفیر پاکستان اتے چین دے درمیان وسیع البنیاد سیاسی، سماجی، ثقافتی، معاشی اتے ادارہ جاتی تعلقات دی اہمیت اجاگرکریندے ہوئیں آکھیے جو ڈوہیں ملکاں وچال تعلقات، تعاون، دوستی اتے اشتراک کار کوں وسیع عوامی حمایت حاصل اے۔ اقتصادی اموردے وفاقی وزیر حماد اظہر آکھیے جو سی پیک نویں مرحلے اچ داخل تھئے ، پاکستان عوامی جمہوریہ چین دے تعاون نال بنیادی ڈھانچہ کوں ترقی ڈتی اے ، سی پیک دے وختی مکمل تے نتیجہ ڈیونڑ آلے (ارلی ہارویسٹ) منصوبے بالخصوص موٹرویز اتے توانائی دے منصوبے مکمل ہن یا تھیونڑ آلے ہن ، نیو گوادر انٹرنیشنل ایئرپورٹ، گوادر ووکیشنل ٹریننگ سینٹر اتے گوادر ہسپتال جیہوجے گرانٹ دی بنیاد تے مجوزہ منصوبیں کوں پورا کرنڑ اچ تکھا کم کرنڑ دی ضرورت اے ۔ وفاقی وزیر ملک دے جنوبی علاقیں اچ ٹڈی دل تے قابو پاونڑ اچ چین داے تعاون دا شکریہ ادا کیتا ۔ چینی ماہرین دی ٹیم پاکستان اچ ٹڈی دل تے قابو پاونڑ کیتے پاکستان دے حکام نال رل تے کم کریندی پئی اے ۔ایں موقع تے حکومت پاکستان اتے چین دے درمیان ڈیزاسٹر مینجمنٹ آلات دی فراہمی دے معاہدے تے دستخط وی کیتے گن ۔ اے آلات چینی حکومت دی گرانٹ توں نیشنل ڈیزاسٹر مینجمنٹ اتھارٹی (این ڈی ایم اے) کوں ڈتے گن ۔ ملاقات اچ ڈوہیں فریقین کم جاری رکھنڑ تے اقتصادی تعلقات کوں مزید ودھارا ڈیونڑ تے اتفاق کیتے ۔
پاک۔چین اقتصادی راہداری منصوبہ نویں مرحلے اچ داخل تھئے،ڈوہیں ملکاں وچال تعلقات، تعاون، دوستی اتے اشتراک کار کوں عوامی حمایت حاصل اے ، وفاقی وزیر اقتصادی امور حماد اظہر
مضمون کا ماخذ : لوٹیریا کے اعدادوشمار
متعلقہ مضامین
