اسلام آباد ۔ 26 مارچ (اے پی پی) وزیر اعظم عمران خان اسلام آباد اچ قائم کیتے گئے50 بستریں تے مشتمل کورونا وائرس آئیسولیشن سنٹر دا دورہ کیتے ۔ ایں موقع تے وزیراعظم کوں آئسولیشن سنٹر بارے بریفنگ ڈتی گئی۔ وزیراعظم اسلام آباد اچ آئسولیشن سنٹر تے بہوں سارے مرض دے ہسپتال دا سنگِ بنیاد وی رکھیے۔ چیئرمین نیشنل ڈیزاسٹر مینجمنٹ اتھارٹی دے چیئرمین لیفٹیننٹ جنرل محمد افضل وزیر اعظم کوں منصوبے تے بریفنگ ڈتی ۔ اے منصوبہ ایف ڈبلیو او تعمیر کریسی ۔ وزیراعظم ایں موقع تے کورونا وائرس توں بچنڑ کیتے قائم کیتے گے 50 بستریں تے مشتمل آئسولیشن سینٹر دے مختلف حصیں دا معائنہ کیتے۔ ایں موقع تے وزیر اعظم دے معاون خصوصی قومی صحت ڈاکٹر ظفر مرزا، پاکستان اچ چین دے سفیر یاﺅ جنگ اتے چیف کمشنر اسلام آباد عامر علی احمد وی موجود ہن۔
مضمون کا ماخذ : میگا سینا آن لائن
