اسلام آباد ۔ 3 جولائی (اے پی پی) وزیر اعظم عمران خان سی پیک اتھارٹی دی کارکردگی تے اطمینان کریندے آکھیے جو سی پیک پاکستان دے سجاکے مستقل دی ضمانت اے، اے منصوبہ تیکھے مکمل کر تے لوکاں کوں ودھ فیدے پچیسوں،اے گالھ وزیر اعظم عمران خان اسلام آباد اچ اپنڑے زیر صدارت تھیونڑ آلے سی پیک دے تحت منصوبیاں بارے جائزہ اجلاس دی اگوانڑی کریندے ہوئے کیتی۔اجلاس اچ سی پیک دے تحت جاری منصوبیاں دی اجوکی صورت حال تے بریفنگ ڈتی گئی۔وزیر اعظم آکھیے جو چین پاکستان اقتصادی راہداری پاکستان دی سماجی و معاشی ترقی سانگے ہک منصوبہ اے اتے پاکستان دے سجاکے مستقل دی ضمانت اے،ڈوہاں ملکٓں دی سنگت دی مثال ایں منصوبے کوں ہر صورت تیکھے مکمل کریسوں تاں جو ایندے فیدے لوکاں تئیں فوری پجین۔وزیراعظم سی پیک اتھارٹی دی کارکردگی دی تعریف کریندے ہدایت کیتی جو ادارے دی کارکردگی اتے استطاعت بئی موثر بنڑاونڑ کیتے سارے ضروری اقدامات کیتے ویسن۔اجلاس اچ وفاقی وزارءاسد عمر، مخدوم خسرو بختیار، عمر ایوب، مشیر تجارت عبدالرزاق داو ¿د، چیئرمین سی پیک اتھارٹی لیفٹیننٹ جنرل (ر) عاصم سلیم باجوہ اتے متعلقہ وزارتاں دے اعلی حکام شرکت کیتی۔
وزیر اعظم عمران خان دی زیر صدارت سی پیک دے تحت منصوبیاں بارے جائزہ اجلاس، سی پیک پاکستان دے سجاکے مستقل دی ضمانت اے، اے منصوبہ تیکھے مکمل کر تے لوکاں کوں ودھ فیدے پچیسوں، وزیر اعظم عمران خان دا اجلاس نال خطاب
مضمون کا ماخذ : بہت سے نتائج
متعلقہ مضامین
