لاہور۔6 مارچ(اے پی پی ) صوبائی وزیر اطلاعات فیاض الحسن چوہان اتے صوبائی وزیر صحت ڈاکٹر یاسمین راشد آکھیا جو کورونا وائرس توں بچاﺅ سانگے پورے صوبے اچ ڈسٹرکٹ اتے تحصیل ہیڈ کوارٹرز ہسپتالاں اچ حفاظتی انتظامات پورے کر گھدن،ملک اچ کورونا دے چھی کیسز فائل تھین جنہاں اچ ترائے کراچی،ڈواسلام آباد اتے ہک گلگت اچ اے،کورونا وائرس نال پوری دنیا اچ 80ہزار توں ودھ لوک متاثر تھین جنہاں اچوں 50ہزار صحت یاب تھی گئن۔اے گالھیں انہاں جمعے کوں سانجھی پریس کانفرنس نال خطاب کریندیں ہوئیں آکھی۔انہاں آکھیا جو صوبائی وزارت اطلاعات دے تحت پورے صوبے دے سکولاں،کالجاں اتے دینی مدرسیاں سمیت مسیتاں اچ کوروناوائرس بارے آگاہی دے پمفلٹ ونڈیے ویندے پن۔اساڈی میڈیا دے مالکاں اتے اینکرپرسنز توں اپیل اے جو او اپنڑے پروگرام دے شروع اچ عوام کوں کروناوائرس بارے آگاہی ڈیون۔
مضمون کا ماخذ : شریر چڑیل
