باكو 15جون(اے پی پی)پاكستان او آذربائيجان د توان٬تجارت٬هوا بازۍ٬تعليم٬سرمايه كارۍ او د دفاع په څانګو كښې دوه اړخيزه مرستې ته ودې وركولو ته سلا شوي۔د زيارت په ورځ زوګلباپيلس كښې وزيراعظم محمد شهباز او د آذربائيجان صدر الهام عليوف پھ ملاقات كښې د دوه اړخيزه اړيكو په ټولو اړخونو د خيالاتو څرګندونه كړې۔د ملاقات نه پس شريك خبري كنفرنس كښې دواړو لارښودو مېډيا ته ووئيل چې د دواړو پايه تختونو ترمينځه د آذربائيجان ايئر لائن پروازونو پېل كولو٬پوځي مشقونو زياتولو٬د سرمايه كارۍ او تعليم په څانګو كښې مرستې ته ودې وركولو ته سلا راغلې۔وزيراعظم شهباز شريف د باكو ښار په ښه ډهانچه او د محسور كن باغبانۍ لپاره د صدر الهام عليوف كردار ستائېلو سره د آذربائيجان صدر ته ووئيل چې د باغبانۍ او ويسټ منيجمنټ د خپلو پوهانو خذمات دې اسلام آباد ته وركړي۔ده ووئيل د خبرو اترو په مهال زمونږ ترمينځه دوه اړخيزه چارو ته بشپړه سلا راغلې۔زمونږ اړيكې په شريك باور او خلوص اډانه دي٬وزيراعظم ووئيل ټول باكو كښې د پاكستان بېرغ د دواړو هېوادونو ترمينځه د مينې عكاسي كوي۔وزيراعظم ووئيل دواړه هېوادونه خپلو كښې قوي اړيكې لري۔د توان په څانګه كښې په مرسته زور راوړولو سره ده ووئيل پاكستان د توان كمي سره مخ دې او زمونږ د كال 27 اربه ډالره په ايندهن خرڅ كېږي۔وزيراعظم د پاكستان څخه د وريژو په برآمد كښې آسانيو لپاره د پاكستان په وريژو په ډيوټي ختمولو د آذربائيجان صدر مننه وكړه۔وزيراعظم د كشمير مسئلې په اړه په ملاتړ كولو آذربائيجان مننه وكړه۔وزيراعظم د دې خبرې پخلې وكړو پاكستان د آذربائيجان سيمه ايزې سلامتيا حمايت كوي۔ده ووئيل پاكستان آرمينيا منلې نه ده او دغه خپل فرض ګڼلو سره يې عمر له د آذربائيجان ملګرتيا كړې۔د ګوادر بندر ځاې د موقعې ذكر كولو سره وزيراعظم ووئيل دواړو هېوادونو د تجارت ودې لپاره دا بندر ځاې په ښه ډول مرسته كولې شي۔صدر الهام عليوف د وزيراعظم او د هغه د پلاوي هركلي كولو سره ووئيل دواړو هېوادونو په بېلو څانګو كښې مرستې زياتولو ته سلا شوي۔ده ووئيل آذربائيجان د نورو پاكستاني زده كونكو د كوربتوب هيله لري او د پاكستان په پوهنتونونو كښې زده كړی ترلاسه كونكې د آذربائيجان زده كونكي دوه اړخيزه اړيكې لا قوي كولو كښې كردار ترسره كوي۔مونږ د پوځي مشقونو زياتولو ته سلا شوي يو ځكه چې د بدلېدونكي حالاتو ترمخه پوځي صلاحيت لويې اهميت لري۔ده ووئيل پاكستان او آذربائيجان عمر له د يو بل ملګرتيا كړې ځكه چې دواړه هېوادونه په بېلو چارو يو ډول موقف لري
وزيراعظم محمد شهباز شريف او د آذربائيجان صدر الهام عليوف ترمينځه ملاقات٬د توان٬تجارت٬هوا بازۍ٬تعليم٬سرمايه كارۍ او د دفاع په څانګو كښې دوه اړخيزه مرستې ته ودې وركولو ته سلا شوي
مضمون کا ماخذ : میگا جیک پاٹس: کلیوپیٹرا
متعلقہ مضامین
.jpg)
