اسلام آباد 05 ستمبر (اے پي پي) د اطلاعات او خپرونو وفاقي وزير عطاء الله تارړ وئيلي دي معاشي پرمختګ لپاره استحکام ضروري دے، مسلم ليګ (ن) تل په هېواد كښې كاروبار دوسته ماحول لپاره لاره هواره كړې، زمونږ پام په هېواد كښې محفوظ كارووبار دوست ماحول باوري كول دي۔ ده دا خبره د زيارت په ورځ د سي اي او سمټ او 100 سي اي او اينډ ډپلوميټس کتاب د مخ كتنې دستورې ته خپلې وېنا كښې وكړه ۔ ده ووئيل مسلم ليګ (ن) تل په هېواد كښې كاروبار دوست ماحول لپاره لاره هواره كړې، كله چې مونږ ته د حكومت كولو موقع په لاس راغلې نو كاروباريان زمونږ د كاروبار دوسته پاليسيو څخه مستفيد شوي۔ ده ووئيل په كال 2018 كښې زمونږ په حكومت كښې د پرمختګ شرح 5.8 فيصده وه چې اندازه ئې 6.4 فيصد لګولې كېده٬ ھغه وخت ګراني صرف 4 فيصد وه٬ هېواد كښې نېغ په نېغه سرمايه كاري كېده٬ چين د سي پېك منصوبې له مخې د 70 اربه ډالرو سرمايه كاري كړې٬ ھغه وخت ټولو نړيوالو مالياتي مجلو او ادارو پېشنګوئۍ كولې چې پاكستان به په راتلونكو شپږو اوو كالو كښې په جي 20 كښې شامل شي ٬ مونږ پام په هېواد كښې محفوظ ماحول باوري كولو پلو ګرځولے ٶ٬ مونږ ته تر ټٶلو لويه مسئله د توان د بحران وه ٬ هر كال د توان بحران په سبب 500 اربه روپۍ زيان كېدو۔ ده ووئېل ھغه وخت به د اتلس نه تر شل ساعته لوډشېډنګ كېدو٬ د نجي او پبلک سيکټرز په مرسته د توان موثره پلانټس ولګولې شول٬ د 20 ساعته لوډشېډنګ ختم شو ٬ مونږ د توان بحران ختم كړو او خپل لوظ هم ترسره كړو۔ ده ووئيل دوېم لوي چېلنج د امنيت صورتحال ٶ٬ د هېواد کمرشل حب کراچۍ انتهائي غير محفوظ وه، په کراچۍ د امن بحالي زمونږ پوخ عزم ٶ٬ د امنيتي ځواكونو په مرسته د كراچۍ پشمول د هېواد په نورو برخو كښې په نيشنل ايکشن پلان كار پېل شو او په څلورو كالو كښې د امن او امان صورتحال بهتر شو۔ ده ووئيل تېر حكومت كښې د هېواد ديواليه كېدو خطر رامخې ته ٶ٬ او د كرنسۍ لاندې باندي سره ايکسپورټرز ستونزو سره مخ وٶ ٬ د حكومت د سمو پاليسيو په سبب د اعتماد فضا بحال شوه او هېواد د ديواليه كېدو خطر نه رابهر شو، مونږ د هېواد او قام د فلاح په خاطر خپل سياست قربان كړو او كاروبار دوسته پاليسيو ته مو وده وركړه٬ د هېواد پرمختګ لپاره مو يو ډول پاليسۍ جوړ كړې۔ ده ووئيل مونږ باور لرو چې د استحکام نه غېر پرمختګ ممكن نه دے ۔ وفاقي وزير ووئيل مونږ ته د ففتھ جنريشن وار چيلنج رامخې ته دے٬ غلط او ناسمه خبرونه د هېواد معيشت ته زيان رسوي، مس انفارميشن، پروپيګنډا او د ناسمه خبرونو مقابلې لپاره محفوظ ماحول ضروري دے۔ وفاقي وزير ووئيل د اېف بي آر ټول نظام ډيجيټلائز كوٶ، د نړۍ نوموړې فرم مکينزي کارپوريشن ملينډا ګيټس فاٶنډيشن فنډنګ څخه د اېف بي آر په ډيجيټلائزيشن كار روان دے ، د اېف بي آر ډيجيټلائزيشن نه وروستو به د فائلرز شمېره زياتوٶ۔ عطاء الله تارړ ووئيل كله چې يو آفت راځي نو كاروباريان ستونزو سره مخ كېږي٬ په هېواد كښې د كاروباري آسانيو ډاډګيرنه روانه ده٬ د كاروباري آسانيو نه غېر هېواد پرمختګ نشي كولې۔
معاشي پرمختګ لپاره استحکام ضروري دے، مسلم ليګ (ن) تل په هېواد كښې كاروبار دوسته ماحول لپاره لاره هواره كړې۔ د اطلاعات او خپرونو وفاقي وزير عطاء الله تارړ د سي اي او سمټ ته وېنا
مضمون کا ماخذ : اسکریچ کارڈ کے نتائج
متعلقہ مضامین
