اسلام آباد ۔ 27 مارچ (اے پی پی) وزیراعظم عمران خان دی زیر صدارت کابینہ دی توانائی کمیٹی دے اجلاس اچ عوام تے گیس دی مد اچ کہیں قسم دا ودھیک بوجھ نہ پاونڑ دا فیصلہ کیتا گے ، وزیراعظم آئی ایم ایف معاہدہ دے تحت گیس دیاں قیمتاں ودھاونڑ دے عمل کوں موخر، گیس دیاں قیمتاں اچ استحکام کیتے سوئی سدرن اتے ناردرن گیس کمپنیز گراس کٹنگ، کفایت شعاری مہم اتے گیس چوری دے حوالے نال بروقت اتے موثر اقدامات کوں یقینی بنڑاونڑ دی ہدایات ڈتن ، ڈوہیں سوئی گیس کمپنیاں معاشی ریلیف پیکیج تے عملدرآمد کیتے فوری طور تے عوامی سہولت مراکز قائم کرن ۔ وزیراعظم عمران خان دی زیر صدارت کابینہ دی توانائی کمیٹی دے اجلاس دے بعد وزیراعظم دی معاون خصوصی اطلاعات و نشریات ڈاکٹر فردوس عاشق ویڈیو پیغام دے ذریعے اجلاس بارے تفصیلات متعلق میڈیا کوں ڈسیندیاں پیاں ہن ۔ وزیراعظم دی معاون خصوصی ڈاکٹر فردوس عاشق اعوان ڈسائے جو وزیراعظم عمران خان دی زیرصدارت کابینہ توانائی کمیٹی دا اجلاس تھئے ۔ اجلاس اچ عام صارفین دی مشکلات، مسلیں تے تدراک کیتے جامع حکومت عملی بنڑاونڑ دا فیصلہ کیتا گے ۔ وزیراعظم عمران خان وزیر توانائی کوں ہدایات ڈتن جو صارفین تے گیس دیاں قیمتاں دابوجھ نہ پاتا ونجے تے ایندے کیتے قیمتاں ودھاونڑ دا آئی ایم ایف معاہدے دے تحت گیس دیاں قیمتاں ودھاونڑ دا عمل موخر کیتا ونجے ۔ وزیراعظم عمران خان ہدایت ڈتی جو پہلے توں گیس دیاں قیمتاں دے حوالے نال عوام تے بوجھ گھٹ کیتا ونجے ۔گیس دیاں قیمتاں کوں مستحکم رکھنڑ کیتے سوئی سدرن گیس لمیٹڈ (ایس این جی پی ایل) اتے سوئی ناردرن گیس لمیٹڈ (ایس ایس جی پی ایل) اپنڑیاں اپنڑیاں کمپنیاں اچ گراس کٹنگ کوں یقینی بنڑاونڑ دے نال نال کفایت شعاری اتے گیس چوری دے حوالے نال وختی تے موثر اقدام یقینی بنڑاون ۔ وزیراعظم ہدایت ڈتی جو گیس چوری دا صارفین تے بوجھ ختم کرنڑ تے ایں سیکٹر اچ اصلاحات گھن آئیاں ونجن۔ وزیراعظم معاشی ریلیف پیکیج تے وختی عمل درآمد کیتے ڈوہیں کمپنیاں صارفین سہولت مرکز بنڑاونڑ دی ہدایات ڈتن تاں جو معاشی ریلیف پیکیج تے تکھے عمل درآمد یقینی تھی سگے ۔
وزیراعظم عمران خان دی زیر صدارت کابینہ دی توانائی کمیٹی دے اجلاس اچ عوام تے گیس دی مد اچ اضافی بوجھ نہ پاونڑ دا فیصلہ کیتا گئے ،وزیراعظم دی معاون خصوصی اطلاعات و نشریات ڈاکٹر فردوس عاشق دا اجلاس دے بعد ویڈیو پیغام
مضمون کا ماخذ : ہیوگو 2
متعلقہ مضامین
