اسلام آباد ۔ 12 اپریل (اے پی پی) وفاقی وزیر پٹرولیم غلام سرور خان آکھیے جو وزیراعظم دی ہدایت تے غیر قانونی گیس کنکشن دے خلاف کریک ڈاﺅن جاری اے،جولائی 2018توں فروری 2019 تئیں 66845کیس پکڑیے گن ۔انہاں اے گال جمعے کوں ہک اجلاس دی صدارت کریندے ہوئیں آکھی۔وفاقی وزیر آکھیا جو صنعتی شعبے اچ 49گیس چور پکڑیے گن جیرھے جو 736ایم ایم سی ایف (یونٹ )گیس چوری کر یندے پئے ہن تے قومی خزانے کوں 880.67 ملین روپے دا ضیان پجیندے پئے ہن اینویںکمرشل درجے اچ 1337 کیساں دا اندراج تھیا جیرھا جو 75 یونٹ گیس چوری کر یندے پئے ہن 81.97 ملین روپے دا ضیان کریندے پے ہن۔ گھریلو درجے اچ 331 کیسز دا اندراج تھئے جیرھے جو 36 یونٹ دی چوری کرتے 26.66 ملین روپے دا ضیان پجیندے پئے ہن ۔ وزیرِ پیٹرولیم آکھیا جو گیس سسٹم اچ کہیں وی وجہ نال تھیونڑ آلے ضیان دا بوجھ عوام تے پوندے ۔سسٹم دیاں خامیاں تے انتظامی کوتاہیاں دا نتیجہ گیس دی قمیت اچ ودھارے تے صارفین تے بوجھ دی صورت اچ نکلدے ۔ سسٹم دے موجودہ ضیان دی شرح تے ایندے نتیجے اچ عوم تے پوونڑ آلا بوجھ قبول کائنی ۔ایندے تے قابو پاونڑ کیتے ہر ممکن کوششاں کیتیاں ویسن ۔کجھ جہیں تے گیس دی مین لائن تے غیر قانونی کنکشن تے ایں غیر قانونی کاروائی دے نتیجے اچ کہیں ممکنہ حادثے دے ڈر تے تشویش دا اظہار کریندے ہوئیں انہاں آکھیا جو غیر قانونی کنکشنز دے خلاف نہ صرف فوری طور تے کریک ڈاﺅن کیتا ویسی بلکہ گیس چوری اچ معاونت فراہم کرنڑ آلے گیس کمپنیاں دے اہلکاراں دے خلاف وی سخت کاروائی یقینی بنڑائی ویسی۔
وزیراعظم دی ہدایت تے غیر قانونی گیس کنکشن دے خلاف کریک ڈاﺅن جاری اے ، وفاقی وزیر پٹرولیم غلام سرور خان
مضمون کا ماخذ : سندھ لاٹری
متعلقہ مضامین
