قوم کورونا وباءدی موجودہ صورتحال دے تناظر اچ احتیاطی تدابیر تے عمل کرے، پاکستان تحریک انصاف دے ارکان قومی و صوبائی اسمبلی کورونا ریلیف ٹائیگر فورس دا حصہ بنڑن، وزیراعظم عمران خان دا کورونا دی صورتحال دے تناظر اچ بریفنگ دے دوران اظہارخیال

اسلام آباد ۔ 8 اپریل (اے پی پی) وزیراعظم عمران خان قوم توں کورونا وباءدی موجودہ صورتحال دے تناظر اچ احتیاطی تدابیر تے عمل کرنڑ دی ضرورت تے زور ڈیندے ہوئیں آکھیے جو احتیاط تے ذمے واری دا مظاہرہ کرتے ہی ایں وبا توں بچیا ونج سگدے ، لاک ڈاﺅن اچ زرعی شعبے کوں پورا کم کرنڑ دی اجازت ہوسی ، 14 اپریل کوں تعمیراتی شعبہ کم شروع کرڈیسی، اج خمیس توں احساس پروگرام دے امدادی پروگرام دے تحت 12 ہزار روپے فی خاندان امداد ڈتی ویسی ، پورے ملک اچ 17 ہزار جہیں توں عوام کوں رقم ڈتی ویسی ، پہلے مرحلے اچ 23 لکھ خانداناں کوں امدادی رقم ڈتی ویسی ، امدادی رقم دی فراہمی اچ میرٹ اتے شفافیت کوں یقینی بنڑایا ویسی ، اگلے ڈھائی ہفتے تئیں 144 ارب روپے ونڈیے ویسن ، پاکستان تحریک انصاف دے ارکان قومی و صوبائی اسمبلی کورونا ریلیف ٹائیگر فورس دا حصہ بنڑن، اے ٹائیگر فورس غریب لوکاں دی نشاندہی کرتے انہاں کوں ریلیف ڈیونڑ کیتے اقدامات کریسی ۔اے گال انہاں بدھ کوں کورونا دی صورتحال دے تناظر اچ بریفنگ ڈیندے ہوئیں آکھی اے ۔ایں موقع تے وفاقی وزیر برائے منصوبہ بندی، ترقی و اصلاحات اسد عمر، معاون خصوصی امور نوجوانان عثمان ڈار، معاون خصوصی تخفیف غربت و سماجی تحفظ ڈاکٹر ثانیہ نشتر اتے چیئرمین این ڈی ایم اے لیفٹیننٹ جنرل محمد افضل وی بریفنگ ڈتی۔ وزیراعظم عمران خان آکھیے جو پاکستان کوں کورونا وباءجیہوجے وڈے چیلنج دا سامنڑاں اے ، احتیاطی تدابیر اختیار کرتے اساں بہوں ود مسئلے توں بچ سگدوں جتنے لوک جمع تھیسن اتنی بیماری ودھسی ،اساں ساریںکوں ذمے واری دا احساس کریندے ہوئیں احتیاط کرنڑیںچاہیدی اے ۔ انہاں آکھیے جو ہر 100 اچوں ہک فرد بیماری توں متاثر تھی سگدے ۔کجھ علاقیں اچ لوک لاپرواہی دا مظاہرہ کریندے پئن ۔ایں بیماری توں بزرگاں دے متاثر تھیونڑ دا ڈر اے، قوم ذمہ داری دا احساس کرے تے وبا دا مقابلہ سنجیدگی نال کرے ۔انہاں آکھیے جو ہر ملک اچ کورونا دا پھیلاﺅ مختلف اے، پاکستان اچ لوک سمجھدن جو بیماری انہاں تے اثر کائناں کریسی کیوں جو پاکستان اچ امریکہ تے بئے یورپی ملکاں دے مقابلے اچ کہیں کوں غلط فہمی اچ نی رہنڑاں چاہیدا اے سوچ غلط اے اگر پاکستان اچ وباءاوں شدت نال کھنڈدی رہی تاں انہاں مریضاں دی تعداد چار توں پنج فیصد تئیں پج گئی تاں ڈیکھ بھال اوکھی تھی ویسی ،وینٹی لیٹرز دستیاب کائناں ہوسن ، ہسپتالاں تے دباﺅ ودھ ویسی ، اگر اساں احتیاط کروں تاں اے بیماری تکھے کائناں کھنڈسی ۔ وزیراعظم آکھیے جو ایمرجنسی تے آئی سی یو اچ کم کرنڑ آلے طبی عملے کوں ضروری حفاظتی آلات ڈتے ویندے پئن کیوں جو فرنٹ لائن تے کم کرنڑ آلے ڈاکٹر تے نرساں دا تحفظ ضروری اے ۔وزیراعظن آکھیے جو نیشنل کمانڈ اینڈ آپریشن سنٹر اچ روزانہ دی بنیاد تے صورتحال دا جائزہ گھدا ویندا پئے تے ایندے بعد تازہ ترین صورت حال کوں سامنڑے رکھ تے مزید فیصلے کیتے ویسن ،انہاں آکھیے جو نینگر تے مخیر حضرات موجودہ اوکھے حالات اچ اساڈی طاقت ہن ۔