اسلام آباد ۔ 11 مارچ (اے پی پی) وزیر اعظم عمران خان دی زیر صدارت جنوبی پنجاب بارے ہک اعلیٰ سطح اجلاس اچ فیصلہ کیتا گئے جوجنوبی پنجاب دیاں محرومیاں مکاونڑ اتے لوکاں گھر دے نیڑے بااختیار بنڑاونڑکیتےجنوبی پنجاب سیکرٹریٹ تیکھے فعال کیتا ویسی اتے ایں سانگے بہالپور اتے ملتان اچ ایڈیشنل چیف سیکرٹری اتے ایڈیشنل آئی جی لائے ویسن،ایندے نال نال جنوبی پنجاب کوں انجھ صوبے دی حیثیت ڈیونڑ کیتے قومی اسمبلی اچ بل پیش کیتا ویسی جیندے تے اتفاق رائے کیتے بیاں سیاسی جماعتاں نال وی صلاح مشورہ تھیسی۔وزیراعظم دی معاون خصوصی ڈاکٹر فردوس عاشق اعوان اسلام آباد اچ وزیرخارجہ شاہ محمود قریشی دے رلے پریس بریفنگ اچ ڈسائے جو وزیراعظم عمران خان دی زیر صدارت اعلیٰ سطح اجلاس تھئے جیندے اچ وزیر خارجہ شاہ محمود قریشی، پاکستان تحریک انصاف دے سینئر رہنما جہانگیر خان ترین، وفاقی وزیر برائے نیشنل فوڈ سکیورٹی مخدوم خسرو بختیار، وزیر اعلی پنجاب سردار عثمان بزدار، وزیر مملکت شبیر علی قریشی، کشمیر کمیٹی دے چیئرمین سید فخر امام، وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان، صوبائی وزرا، جنوبی پنجاب دے ممبران قومی و صوبائی اسمبلی، چیف سیکرٹری پنجاب، آئی جی پنجاب اتے بئے سینئر افسران شریک تھین۔وزیر خارجہ شاہ محمود قریشی ڈسائے جو وزیراعظم عمران خان جنوبی پنجاب دیاں محرومیاں دا تیکھے ازالہ چاہندن اتے لوکاں کوں گھر دے نیڑے مسلیاں دے حل دا سوکھ ڈیونڑ کیتے جنوبی پنجاب سیکرٹریٹ دے قیام اتے انجھ صوبے دی حکمت عملی تے پیش رفت سانگے وزیراعظم خمیس کوں پارلیمانی اجلاس سڈ گھدے۔انہاں آکھیے جو جنوبی پنجاب صوبہ کیتے آئینی ترمیم دی لوڑھ اے جیندے تے اتفاق رائے تے ویلھا لگسی،ہک مکمل سیکرٹریٹ کیتے ساڈھے ترائے ارب روپے دی لوڑھ ہوسی جڈاں جوایں سانگے 1350نویاں تعیناتیاں وی کیتاں ویسن۔انہاں ڈسائے جو اجلاس اچ وزیراعلیٰ پنجاب کھل تے آکھیے جو پنجاب دے بجٹ اچ پینتری فیصد فنڈز جنوبی پنجاب کیتے رکھسوں، اتے اے فنڈزکہیں صورت ولا نہ گھدے ویسن۔
وزیر اعظم عمران خان دی زیر صدارت جنوبی پنجاب بارے اہم اجلاس،انج جنوبی پنجاب صوبے دا بل قومی اسمبلی اچ پیش کرنڑ دا فیصلہ،بہالپور اتے ملتان اچ ایڈیشنل چیف سیکرٹری اتے ایڈیشنل آئی جی لائے ویسن
مضمون کا ماخذ : como apostar na mega sena
متعلقہ مضامین
