اسلام آباد ۔ 18 جولائی (اے پی پی) وزیر خارجہ شاہ محمود قریشی نال گورنر پنجاب چوہدری محمد سرور ہفتے کوں وزارت خارجہ اچ ملاقات کیتی ۔ ملاقات دے دوران کرونا وبائی صورتحال سمیت سانجھے دلچسپی دے امور تے گال مہاڑ کیتی گئی ۔گورنر پنجاب صحت مند تھیونڑ تے وزیر خارجہ مخدوم شاہ محمود قریشی کوں مبارخ ڈتی ۔شاہ محمود قریشی آکھیے جو محدود وسائل دے باوجود کرونا وبائی چیلنج نال نبڑنڑ کیتے کیتے گئے وختی اقدامات نال وائرس دے کھنڈنڑ اچ تخفیف تھئی اے ۔ ایں وبا دے کھنڈنڑ کوں روکنڑ کیتے حفاظتی ہدایات تے عمل درآمد کوں یقینی بنڑاونڑاں ہوسی ۔گورنر پنجاب کرونا وبا پاروں پیش عیدالاضحیٰ دے موقع تے پنجاب اچ کیتے ونجنڑ آلے مجوزہ خصوصی حفاظتی انتظامات بارے وزیر خارجہ کوں ڈسایا ۔وزیر خارجہ اپنڑی علالت دے دوران دعاواں تے نیک تمناواں دے اظہار تے گورنر پنجاب دا خصوصی شکریہ ادا کیتا ۔
وزیر خارجہ شاہ محمود قریشی نال گورنر پنجاب چوہدری محمد سرور دی ملاقات ، گورنر پنجاب صحت مند تھیونڑ تے شاہ محمود قریشی کوں مبارخ ڈتی
مضمون کا ماخذ : مردہ یا زندہ II
متعلقہ مضامین
