مالی سال 2020-21ءدا 7137 ارب روپے دا وفاقی بجٹ پیش،کوئی نواں ٹیکس نئی لاتا گیا وفاقی وزیر صنعت و پیداوار حماد اظہردی قومی اسمبلی اچ آندے مالی سال کیتےبجٹ تقریر

این ایف سی ایوارڈدے 2874 ارب روپے دا ریونیو صوبیاں کوں ڈتا ویسی،بجٹ خسارہ جی ڈی پی دا 7 فیصد رہنڑ دا امکان،سماجی تحفظ کا پروگرام 187 ارب روپے توںو دھا تے 208 ارب روپے کرڈتا گئے، توانائی، خوراک اتے بئے شعبیاں اچ سبسڈی کیتے 179 ارب روپے مختص، محصولات دا ہدف 6573 ارب روپے مقرر، سیلز ٹیکس دی شرح 14 فیصد توں گھٹا تے 12 فیصدتھی گئی، درآمدات تے انکم ٹیکس دی شرح خام مال تے 5.5 فیصد توں گھٹا تے 2 فیصد اتے مشینری تے ٹیکس 5.5 فیصدتوں گھٹا تے ہک فیصد کر ڈتا گئے،گھٹو گھٹ تنخواہ 15 ہزارتوں ودھا تے 25 ہزار کرڈتی گئی‘ درآمدی سگریٹس‘ بیڑی ‘ سگار اتے تمباکو دیاں بیاں شئیں تے فیڈرل ایکسائز ڈیوٹی 65 فیصد توںو دھا تے 100 فیصد کرنڑ دی تجویز،کرونا بارے ساز و سامان دی درآمد تے استثنیٰ اچ بئے ترائے مہینے دی توسیع،آندے مال سال جی ڈی پی دی شرح نمو -0.4 فیصد توںو دھا تے 2.1 فیصد تے گھن آیا ویسی، کرنٹ اکاﺅنٹ خسارہ 4.4 فیصد تئیں محدود رکھیا ویسی،افراط زردی شرح 9.1 فیصد توں گھٹاتے 6.5 فیصدتے گھن آئی ویسی، براہ راست غیر ملکی سرمایہ کاری اچ 25 فیصد ودھارا کیتا ویسی،وفاقی وزیر صنعت و پیداوار حماد اظہردی قومی اسمبلی اچ آندے مالی سال کیتے قومی اسمبلی اچ بجٹ تقریر
اسلام آباد ۔ 12 جون (اے پی پی) مالی سال 2020-21ءدا 7137 ارب روپے دا وفاقی بجٹ پیش،کوئی نواں ٹیکس نئیں لایا گیا، این ایف سی ایوارڈدے 2874 ارب روپے دا ریونیو صوبیاں کوں ڈتا ویسی،بجٹ خسارہ جی ڈی پی دا 7 فیصد رہنڑ دا امکان،سماجی تحفظ کا پروگرام 187 ارب روپے توںو دھا تے 208 ارب روپے کرڈتا گئے، توانائی، خوراک اتے بئے شعبیاں اچ سبسڈی کیتے 179 ارب روپے مختص، محصولات دا ہدف 6573 ارب روپے مقرر، سیلز ٹیکس دی شرح 14 فیصد توں گھٹا تے 12 فیصدتھی گئی، درآمدات تے انکم ٹیکس دی شرح خام مال تے 5.5 فیصدتوں گھٹا تے 2 فیصد اتے مشینری تے ٹیکس 5.5 فیصدتوں گھٹا تے ہک فیصد کر ڈتا گئے،گھٹو گھٹ تنخواہ 15 ہزارتوں ودھا تے 25 ہزار کرڈتی گئی‘ درآمدی سگریٹس‘ بیڑی ‘ سگار اتے تمباکو دیاں بیاں شئیں تے فیڈرل ایکسائز ڈیوٹی 65 فیصد توںو دھا تے 100 فیصد کرنڑ دی تجویز،کرونا بارے ساز و سامان دی درآمد تے استثنیٰ اچ بئے ترائے مہینے دی توسیع،آندے مال سال جی ڈی پی دی شرح نمو -0.4 فیصد توںو دھا تے 2.1 فیصد تے گھن آیا ویسی، کرنٹ اکاﺅنٹ خسارہ 4.4 فیصد تئیں محدود رکھیا ویسی،افراط زردی شرح 9.1 فیصد توں گھٹاتے 6.5 فیصدتے گھن آئی ویسی، براہ راست غیر ملکی سرمایہ کاری اچ 25 فیصد ودھارا کیتا ویسی۔سرکاری ملازمین دیاں تنخواہواں اتے پنشن نئیں ودھائی گئی۔ قومی اسمبلی اچ وفاقی بجٹ 2020-21ءپیش کریندے وفاقی وزیر صنعت و پیداوار حماد اظہرآکھیے جو وزیراعظم عمران خان دی مثالی قیادت اچ ملک اچ نویں دور دی شروعات تھئی اے،اساں بہوں اوکھا پندھ کیتے اتے معیشت دی بحالی،معاشی استحکام اتے شرح نمو ودھاونڑ کیتے بہوں محنت کیتی،کرپشن مکاونڑ، سرکاری اداریاں اچ شفافیت، بلا امتیاز وانجھ اتے میرٹ کیتے اقدامات کیتن جیندے چنگے نتیجے آونڑ لگ گین۔انہاں آکھیے جو تحریک انصاف سماجی انصاف، معاشرے دے کمزور طبقیاں دی بحالی ،غریباں دی مدددے اصول تے کم کریندی پئی اے۔انہاںا ٓکھیے جڈاں حکومت ملی ہئی تاں معاشی بحران ہئی،ملکی قرض 31 ہزار ارب روپے تے ہا،ایندے تے سود وی ڈیونڑ اوکھا تھی گیا ہا،جاری کھاتیاں دا خسارہ 20 ارب ڈالر، تجارتی خسارہ 32 ارب ڈالرتے پج گیا ہا،اسٹیٹ بینک آف پاکستان دے زرمبادلہ دے ذخائر 18 ارب ڈالرتوں گھٹ تے 10 ارب ڈالرتوں گھٹ رہ گئے ہن،بجٹ خسارہ 2,300 ارب روپے دی سطح تے تھی گیا ہئی،بجلی دا گردشی قرضہ 485 ارب ادائیگی دے باوجود 1200 ارب روپے تے لگا گیا ہا،ودھ قرض، منی لانڈرنگ، دہشت گردی کیتے مالی معاونت روکنڑ جھیں چیلنجز سامنڑے ہن بھل ساڈی حکومت دے مناسب اقدامات پاروں حالات اچ بہتری آئی اے،مالی سال 2019-20ءدے پہلے 9 مہینے اچ 2018-19ءکوں اہم معاشی اشاراں اچ بہتری آئی،این دوران جاری کھاتیاں دے خسارے کوں 73 فیصد گھت کر تے 10 ارب ڈالرتوں ترائے 3 ارب ڈالر تے گھن آئے ہیں،بجٹ خسارہ 5 فیصد توں گھٹ تے 3.8 فیصد رہ گئے، ڈاہ سال اچ پہلی واری پرائمری سرپلس مثبت تھی تے جی ڈی پی دے 0.4 فیصدتے رہے،ایف بی آر دے ریونیو اچ 17 فیصد، نان ٹیکس ریونیو اچ 134 فیصدودھارا تھئے۔اساں ایں سال 1162 ارب دے مقابلے اچ 1600 ارب دا ریونیو گھنسوں،حکومت 6 ارب ڈالر دے بیرونی قرضہ دی ادائیگی کیتی جڈاں جو پچھلے سال ایں دوران اے ادائیگی 4 ارب ڈالرہئی،ایں حکومت قرض تے 5000 ارب داسود ڈتے جیندے نال قومی خزانے تے وڈا منفی اثر پئے۔ایں حکومت ڈاہ لکھ پاکستانیاں کیتے بیرون ملک ملازمت دے مواقع ڈتن،جیندے نال ترسیلات زر 16 ارب ڈالرتوں ودھ تے 17 ارب ڈالرتھی گین، بیرونی براہ راست سرمایہ کاری 0.9 ارب ڈالرتوں ود ھ تے 2.15 ارب ڈالرتھی ۔ 74 فیصد اندرونی قرضہ جات طویل المیعادی قرضہ جات اچ بدل تے لاگت 14 فیصدتوں ڈاہ فیصد تئیں گھٹائی اے،ساڈے اصلاحاتی پروگرام تے ہی آئی ایم ایف 6 ارب ڈالرتوسیعی فنڈ سہولت دی منظوری ڈتی، مشہور بین الاقوامی ریٹنگ ایجنسی موڈیز ملکی معیشت دی درجہ بندی بی تھری نیگیٹوتوں چنگی کر تے بی تھری پازیٹو قرارڈتی،بلومبرگ وی پاکستان سٹاک ایکسچینج کوں بہترین مارکیٹس گنڑیے،اسٹیٹ بنک توں کوئی قرض نئیں گھدا گیا،کوئی ضمنی گرانٹس نئیں ڈتیاں گیاں،ترقیاتی اخراجات دی نویں راہ کھولی اے،قرض انتظام اچ بہتیری نال 240 ارب روپے دی بچت تھئی اے، سٹاک آف پبلک گارنٹیز اچ ودھار ا نئیں کیتا،سرکاری اداریاں دی بہتری، نقصاناں اچ کمی کیتے ڈھانچہ جاتی اصلاحات ڈتن،شفاف نجکاری کیتی اے،ساڈیاں مصنوعات دی عالمی منڈیان تئیں سوکھی رسائی کیتے ٹیرف پالیسی منظورکیتی، توانائی دے شعبے اچ وی اصلاحات کیتاں گین۔انہاں آکھیے جوکاروباری طبقے کوں ایں سال 254 ارب روپے دے ریفنڈ جاری کیتن جیڑھے پہلے توں 125 فیصد ودھ ہین،وزارت تجارت کوں ڈی ایل ٹی ایل کلیمزادائیگی کیتے 35 ارب روپے ڈتن،شفافیت، اداریاں دی صلاحیت دے ودھارے، اتے احتساب کیتے پبلک فنانس مینجمنٹ ایکٹ 2019ءنافذ کیتے، ٹریژری سنگل اکاﺅنٹ دے نفاذکیتے قواعد و ضوابط منظوری کیتے تیار ہین،پنشن ادائیگی دا نظام خود کار کیتے،ایندے نال 20 ارب روپے بچسن،سرکاری اداریاں اچ بچت، کفایت شعاری اتے حکومتی اداریان دی تنظیم نوکیتے ٹاسک فورس بنڑائی اے،جیندی رپورٹ تے 43 اداریاں دی نجکاری ، 8 غیر فعال اداریاں کوں مکاونڑ، 14 اداریاں دی صوبیاں کوں منتقلی اتے 35 اداریاں کوں بئے ادارتیاں اچ ضم کرنڑ دی سفارش کیتی اے۔احساس پروگرام اچ شفافیت نال 8 لکھ 20 ہزار جعلی بینفشریز کوں مستحقین دی فہرست توں کڈھیا گئے، ڈیٹا پاکستان پورٹل شروع کیتے،آر ایل این جی ٹو پلانٹس دی بھالی کیتے اقدامات کیتن، این ایچ اے، پاکستان پوسٹ اتے کراچی پورٹ ٹرسٹ جھیں اداریاں دی آمدن اچ 70 فیصد، 50 فیصد اتے 17 فیصد ودھارا کیتے ا،کاروبار اتے صنعتاں دی ترقی کیتے وڈی بیرونی سرمایہ کاری لو کاروباراچ سوکھ ڈتن اتے پاکستان دی ایز آف ڈوئنگ بزنس اچ رینکنگ ودھی اے،حکومت ایف اے ٹی ایف سانگے ودھ اقدامات کیتن،جیندے نال پاکستان دی عالمی سطح تے ساکھ چنگی تھئی اے،اساں ایف اے ٹی ایف ایکشن پلان دے 27 قابل عمل نکات اچوں ہک سال اچ 14 نکات تے مکمل عمل کیتے اتے 11 تے جزوی طور عمل درآمدکیتے ڈو شعبیاں اچ کوشش جاری اے۔انہاںا ٓکھیے جو رکونا دی وباپاروں پاکستان جھیں ترقی پذیر ملکاں کیتے کئی چیلنج ہین،معاشی بحالی دے اقدامات دیان کوششاں کوں نقصان پجیے،لوکاں دے تحفظ، سماجی اقدامات سانگے اہم کم تھئے، سماجی پابندیاں پاروں کاروبار،جیونر سب کجھ متاثر تھئے،جی ڈی پی دی شرح نمو اتے سرمایہ کاری گھٹی اے،بے روزگاری ودھی اے،جی ڈی پی اچ اندازاً 3300 ارب روپے دی کمی تھئی، شرح نمو 3.3 فیصد توں گھٹ تے 0.4 فیصد رہ گئی۔ مجموعی بجٹ خسارہ 9.1 فیصدودھ گئے،ایف بی آر محصولات اچ 900 ارب روپے کمی، وفاقی حکومت دا نان ٹیکس ریونیو 102 ارب روپے گھٹیے،بھل حکومت انہاں چیلنجاں داڈٹ تے مقابلہ کریندی پئی اے، کرونا دے اثرات نال نبڑن کیتے حکومت 1200 ارب روپے داپیکج ڈتے، 875 ارب روپے دی رقم وفاقی بجٹ توں ڈتی گئی اے، طبی آلات دی خریداری، حفاظتی لباس اتے طبی شعبے کیتے 75 ارب روپے رکھین، 150 ارب روپے ہک کروڑ 60 لکھ کمزور اتے غریب خانداناں اتے پناہ گاہیں کیتے رکھین،200 ارب روپے روزانہ اجرت کماونڑ آلے ورکرز/ملازمین کوں کیش ٹرانسفر، 50 ارب روپے یوٹیلٹی سٹورز، 100 ارب روپے ایف بی آر اتے وزارت تجارت کیتے ہن،100 ارب روپے بجلی اتے گیس دے موخر شدہ بلاں کیتے ہن، چھوٹے کاروبارکیتے خصوصی پیکیج ڈتا گئے،کساناں کوں سستی کھاد، قرض معافی ااتے بئے ریلیف کیتے 50 ارب ڈتن، 100 ارب روپے ایمرجنسی فنڈڈتن،حکومت احساس، این ڈی ایم اے، یوٹیلیٹی سٹورز کارپوریشن اتے ایف بی آرکیتے فنڈز گولین،کساناں اتے عام لوکاں کوں خوراک اتے طبی ساز و سامان کیتے 15 ارب روپے دی ٹیکس چھوٹ ڈتی۔ 280 ارب روپے کنڑک خریداری کیتے، پٹرول قیمتاں ریکارڈ سطھ تئیں گھٹائن،تعمیراتی شعبے ، ملازمتاں،رعایتی ٹیکس نظام،فکسڈ ٹیکس نظام، بلڈرز اور ڈویلپرز کیتے ود ہولڈنگ ٹیکس چھوٹ،ہک گھر تے کیپٹل گین ٹیکس چھوٹ جھیں اقدامات کیتن۔کرونا دے اثرات گھٹاونڑ کیتے سٹیٹ بینک آف پاکستان بہوں سارے اقدامات متعارف کرائن۔ انہاں آکھیے جواے بجٹ کرونا نال نبڑن اتے آونڑ آلیاں مشکلات کوں ڈیہدے ہوئے غیر معمولی حالات اچ بنڑایا گئے،ایندے کیتے توسیعی مالیاتی پالیسی دی لوڑھ اے۔معاشی سرگرمیاں دے ودھارے، کورونا اخراجات ، مالیاتی خسارے ،پرائمر بیلنس اچ توازن رکھنڑا ہوسی، آئی ایم ایف پروگرام وی ٹورنڑے، ترسیلات زر ودھاونڑ، خصوصی اقدامات کامیاب جوان، صحت کارڈ، بلین ٹری سونامی ، کفایت شعاری،غیر ضروری اخراجات اچ کمی، مستحق طبقیاں دی مدد کیتے حکومت ودھ توجہ ڈیسی۔