اسلام آباد ۔ 19 جولائی (اے پی پی) وزیر مملکت موسمیاتی تبدیلی زرتاج گل آکھیے جو عوامی مشکلات دا وختی حل کڈھیسوں ، تعمیر و ترقی دے نویں دور دا آغاز کرڈتے، ڈیرہ غازی خان کوں جدید اتے ترقی یافتہ شہر بنڑیسوں۔ اے گال انہاں اتوار کوں آپنڑے حلقہ انتخاب این اے 191 ڈیرہ غازی خان اچ گال مہاڑ کریندے ہوئیں آکھی اے ۔ زرتاج گل شہر اچ جاری وڈے ترقیاتی منصوبیں دا دورہ کیتا تے تعمیراتی کماں دا جائزہ گھدا ۔ایں موقع تے چیف آفیسر کارپوریشن افتحار علیانی اتے چیئرمین بیت المال محمد حسین خان نیازی انہاں دے رلے ہن ۔ وزیر مملکت انٹرلنک جدید سٹی ٹرمینل بس سٹینڈ تے جاری تعیمراتی عمل دا دورہ وی کیتا تے جاری ترقیاتی کماں دے معیار کوں بہتر رکھنڑ دی ہدایات جاری کیتیاں ۔ زرتاج گل آکھیے جو ایں میگا پراجیکٹ نال عوام کوں بہترین تے جدید سفری سہولتاں میسر آسن ۔
مضمون کا ماخذ : جیتنے والی لاٹری
