اسلام آباد ۔ 10 فروری (اے پی پی) وزیر اعظم عمران خان آکھیے جو پاکستان اتے ترکی دے برادارانہ تعلقات تاریخی اہمیت رکھیندن ، ڈوہیں ملک اوکھے ویلھے اچ ہک ڈوجھے دے رلے کھڑے رہیے۔ ترک صدر رجب طیب اردوان دا دورہ پاکستان ڈوپاسے تعلقات کوں مزید مستحکم کرنڑ اتے مختلف شعبہ جات اچ تعاون ودھاونڑ اچ دورہ اہم سنگ میل ہوسی ۔اے گال انہاں سنوار کوں ترک صدر رجب طیب اردوان دے دورہ پاکستان دے حوالے نال اعلیٰ سطح دے اجلاس دی صدارت کریندیں آکھی اے۔اجلاس اچ وزیرِ اقتصادی امور حماد اظہر، مشیر خزانہ ڈاکٹر عبدالحفیظ شیخ، مشیر تجارت عبدالرزاق داﺅد ، متعلقہ وزارتاں دے وفاقی سیکرٹریز اتے سینئر افسراں شرکت کیتی ۔ اجلاس اچ ترک صدر رجب طیب اردوان دے دورہ پاکستان دے دوران ڈوہیں ملکاں وچال مختلف شعبیں اچ ڈو پاسے تعلقات تے تعاون ودھاونڑ دے حوالے نال تفصیلی گال مہاڑ کیتی گی ۔ وزیراعظم عمران خان آکھیا جو پاکستان اتے ترکی دے برادرانہ تعلقات تاریخی اہمیت رکھیندن تے ڈوہیں ملک اوکھے ویلھے اچ ہک ڈوجھے دے رلے کھڑے رہیے ۔انہاں آکھیے جو ترکی مسئلہ کشمیر تے جیں واضح انداز اچ پاکستان دے اصولی موقف دی حمایت کیتی اے اولائق تحسین اے ۔انہاں آکھیے جو ڈوہیں ملکاں دی قیادت دی مخلصانہ کوشش اے جو پاکستان تے ترکی دے درمیان ہر شعبے اچ ڈو پاسے تعلقات خصوصاً معاشی تعلقات کوں مزید مستحکم کیتا ونجے ۔ وزیراعظم آکھیے جو ڈو پاسے تعلقات کوں مزید مستحکم کرنڑ تے مختلف شعبہ جات اچ تعاون کوں ودھاونڑ اچ ترک صدر دا دورہ اہم سنگ میل ہوسی ۔ وزیرِاعظم متعلقہ محکمیں دے سیکرٹریز کوں ہدایت کیتی جو اعلیٰ سطحی دورہ دے دوران طے پاونڑ آلے معاملات تے عمل درآمد تے انہاں کوں توڑ پجاونڑ تے خصوصی توجہ ڈتی ونجے ۔وزیراعظم پاکستان اتے ترکی دے درمیان ڈو پاسے معاہدیں تے پیشرفت کوں یقینی بنڑاونڑ کیتے وزیر اقتصادی امور کوں ذمے واری ڈتی ۔ وزیرِ اعظم وزیر اقتصادی امور کوں ہدایت کیتی جو طے پاونڑ آلے امور اچ پیشرفت دا جائزہ گھننڑ کیتے ہر مہینے جائزہ اجلاس منعقد کیتا ونجے ۔
ترک صدردا دورہ پاکستان ڈو پاسے تعلقات کوں مزید مستحکم کرنڑ، سانجھے تعاون کوں ودھاونڑ اچ اہم سنگ میل ہوسی ، وزیر اعظم عمران خان دا اجلاس اچ اظہار خیال
مضمون کا ماخذ : جڑواں اسپن
متعلقہ مضامین
