اسلام آباد ۔ 3 جولائی (اے پی پی) وزیراعظم عمران خان شیخوپورہ دے نیڑے ریلوے کراسنگ تے تھیونڑ آلے حادثے تے افسوس دا اظہار کیتے جیں اچ ننکانہ صاحب توں واپس آونڑ آلے سکھ یاتریان سمیت گھٹ توں گھٹ 20 بندے جان توں ہتھ دھو بیٹھن ۔ جمعے کوں اپنڑے ٹویٹ پیغام اچ وزیراعظم عمران خان آکھیے جو انہاں کوں ایں حادثے تے بہوں ڈکھ تھئے ۔ وزیراعظم آکھیے جو انہاں زخمیاں دے بہترین علاج کیتے احکامات ڈتن ۔ انہاں حادثے اچ ہلاک تھیونڑ آلیں دے لواحقین نال دلی ہمدردی تے تعزیت دا اظہار کیتے ۔ انہاں آکھیے جو میں متعلقہ حکام کوں سارے متاثرہ خانداناں کوں ضروری سہولتاں ڈیونڑ تے انہاں دا خیال رکھنڑ دی ہدایت کیتی اے ۔ وزیراعظم آکھیے جو ریلوے دے سارے آپریشنل سیفٹی ایس او پیز دے نظام دا فوری جائزہ گھدا ویسی۔
مضمون کا ماخذ : raspadinha آن لائن
