اسلام آباد ۔ 15 دسمبر (اے پی پی) وزیر مملکت شہر یار خان آفریدی گلوبل ریفیوجیز فورم دے زیر انتظام ڈوڈینھ دی بین الاقوامی کانفرنس اچ شرکت کیتے جنیوا پج گن ۔کانفرنس 17دسمبر کوں شروع تھیسی ، کانفرنس اچ پاکستان بنیادی میزبان دی حیثیت نال شرکت کریندا پئے ، وزیر مملکت کانفرنس اچ شرکت کرنڑ آلے پنج ملکاں دی سربراہیں کوں خوش آمدید اکھیسن ۔شہر یار آفریدی اتوار کوں جنیوا توں ٹیلی فون تے گال کریندے ہوئیں آکھیے جو پاکستان دنیا دا واحد ملک اے جیرھاجو افغان مہاجراں دی لمبے عرصے توں میزبانی کریندا پئے ، مغربی ملکاں اچ تارکین وطن دی ہک بیڑی آونڑ نال حکومتاں بدالی کھڑن جڈاں جو وزرائے اعظم ایں بنیاد تے منتخب تھیندے پن او تارکین وطن دے خلاف سخت قوانین بنڑیسن ، انہاں آکھیا جو اسلامو فوبیو اتے نسل پرستی دیاں تحریکاں غیرملکی تارکین وطن دی وجہ توں ودھدیاں پن ۔انہاں آکھیے جو اقوام متحدہ اتے ایندے ذیلی ادارے پاکستانی عوام تے حکومت دی مہاجراں کوں پناہ ڈیونڑ دے حوالے نال وڈے دل نال منیندے پن تے گلوبل ریفیوجیز فورم دا انعقاد پاکستان دیاں ایجھاں پالیسیاں دا اعتراف اے ۔
وزیر مملکت شہر یار خان آفریدی گلوبل ریفیوجیز فورم دے زیر انتظام ڈوڈینھ دی بین الاقوامی کانفرنس اچ شرکت کیتے جنیوا پج گن
مضمون کا ماخذ : عمومی کلیدی الفاظ
متعلقہ مضامین
