سیالکوٹ ۔ 12 اپریل (اے پی پی) وزیر اعظم دی معاون خصوصی برائے اطلاعات و نشریات ڈاکٹر فردوس عاشق اعوان سیالکوٹ اچ میڈیا نال الویندے آکھیے جو حق دار کو اں حق ڈیونڑ حکومت دی ترجیح اے،حکومت ملکی تاریخ دا سب توں وڈا ایمرجنسی کیش ٹرانسفر پروگرام شروع کرڈتے،ہنڑ تئیں 13لکھ 80ہزارٹبراں کوں 16ارب روپے ونڈیے گین۔انہاں مسیحی برادری کوں وی ایسٹر دی مبارک ڈتی ،کرونا پاروں اے تہوار سادگی نال منینداپئے،عیسائی برادری کرونا توں بچنڑ ،بچنڑ سلامتی اتے خوشحالی کیتے دعا کرے۔ڈاکٹر فردوس عاشق اعوان آکھیے جو مستحقین کوں پیسے ڈیونڑاحساس پروگرام دااہم حصہ اے جیندے اچ سیاست دا کوئی عمل دخل کائنی،ایں سانگے سیالکوٹ اچ40کروڑ روپے وندیے ویسن اتے اتھاں 32817خاندان فیدہ چیسن۔انہاںا ٓکھیے جو پروگرام دے تحت پورے ملک اچ 13لکھ 80ہزارٹبراں کوں 16ارب روپے ونڈیج گین،رقوم دی منتقلی کیتے شفافیت تے کوئی سمھجوتہ نہ کیتا ویسی،ایں سانگے بدعنوانی اچ ملوث 40لوکاں دے خلاف مقدمات درج کیتے گین، پروگرام دا مقصد مستحق اتے کمزور طبقے کوں تحفظ اتے مالی مدد ڈیونڑ اے،وزیراعظم مستحقین کوں سوکھ ڈیونڑ کیتے وزارت انفارمیشن ٹیکنالوجی کوں ہدایات ڈتن،بائیو میٹرک میچنگ دے نال چہرے دی سنجانڑ دا وی فیصلہ کیتا گئے،ایں سانگے شفافیت کیتے ای گورننس یقینی بنڑائی ویسی۔انہاںا ٓکھیے جو آندے مرحلے اچ ڈیہاڑی دار مزدوراں اتے فیکٹری ورکرزکیتے اقدامات کیتے ویسن،ودھدی آبادی اتے گھٹ وسائل وڈے چیلنج ہین جیندے نال نبڑن کیتے بنیادی ضرورتاں تے ودھ توجہ ڈتی ویندی پئی اے،کرونا دے خلاف وفاق صوبیاں کوں نال گھن تے کم کریندا پئے۔
حق دار کو اں حق ڈیونڑ حکومت دی ترجیح اے،حکومت ملکی تاریخ دا سب توں وڈا ایمرجنسی کیش ٹرانسفر پروگرام شروع کرڈتے،ہنڑ تئیں 13لکھ 80ہزارٹبراں کوں 16ارب روپے ونڈیے گین ڈاکٹر فردوس عاشق اعوان دی سیالکوٹ اچ میڈیانال گالھ مہاڑ
مضمون کا ماخذ : quina acumulada
متعلقہ مضامین
