اسلام آباد ۔ 5 اپریل (اے پی پی) وزیراعظم دی معاون خصوصی اطلاعات تے نشریات ڈاکٹر فردوس عاشق اعوان آکھیا جو تعمیراتی شعبے سانگے مراعاتی پیکج اتے صنعت دا درجہ ڈیونڑ نال بئی صنعتاں کوں فروغ ملسی،وزیراعظم دا اے اقدام نویں امید اتے ترقی دا سنیھا اے۔اتوار کوں اپنڑے ہک ٹویٹ اچ انہاں آکھیا جو فکسڈ ٹیکس دا مطالبہ تسلیم کریندیں ہوئیں سیمنٹ اتے اسٹیل انڈسٹری دے سوا سارے تعمیراتی شعبیاں تے ود ہولڈنگ ٹیکس ختم کر ڈتے گئے ،تعمیراتی شعبے ودھنڑ نال بئی صنعتاں دی وی ترقی تھیسی جئیں توں ہنر مند اتے غیر ہنر مند محنت کش فائدہ چیسن۔اے پیکیج تعمیر وطن،عوام دی خوشحالی اتے روزگار دے موقع پیدا کرنڑسانگے اہم ہوسی۔انہاں آکھیا جو نیا پاکستان ہاوسنگ پروگرام اچ سرمایہ کاری کرنڑ آلےاں توں صرد ڈاہ فیصد ٹیکس گھدا ویسی جڈانجو 90فیصد ٹیکس رعایت ڈتی ویسی۔
مضمون کا ماخذ : لاٹری آن لائن خریداری
